Bashkia Orikum

Të nderuar banorë të bashkisë Orikum,

Dokumenti që po ju prezantojmë përbën Planin e Zhvillimit Lokal të bashkisë për 15 vitet e ardhshme. Që sot ndryshimet dhe investimet në bashkinë tonë do të jenë të orientuara sipas qëllimeve strategjike, arritja e të cilave, shkallë - shkallë do të sigurojnë zhvillimin të cilin ne të gjithë e dëshirojmë. Bashkia Orikum është vendi i pasurive të mëdha natyrore. Ky plan do t’i japë mundësi komunitetit të zonës, biznesit dhe investitorëve të planifikojnë dhe të bëhen pjesë e zhvillimit të zonës sonë, duke shfrytëzuar mundësitë që ofrohen. Ky plan na ka qartësuar vizionin dhe rrugën për arritjen e tij. Ai do të na ndihmojë të zhvillohemi duke ruajtur dhe zhvilluar natyrën dhe pasuritë e saj, nga të cilat e kanë zanafillën të gjitha idetë dhe projektet. Ne e dimë tashmë se pa siguruar mbrojtjen dhe rregullat për shfrytëzimin e burimeve tona natyrore, ëndrrat tona për zhvillim dhe sigurimin e një jete më të mirë për komunitetin, do të veniten.

Bashkia Orikum me qender administrative Qytetin e Orikumit dhe ne perberje te saj fshatrat, Dukat Fshat, Dukat i Ri, Tragjas dhe Radhime, shtrihet ne jug te Gjirit te Vlores pergjate brigjeve te detit Adriatik dhe Jon. Vendosur mes dy deteve, perfshin disa nga vendbanimet me te reja dhe njekohesisht me te vjetra ne Shqiperi. Ne territorin e saj ndodhet Gadishulli i Karaburunit dhe Parku Kombetar i Llogarase me peisazhe dhe ekosisteme te larmishme dhe bukuri natyrore te pazbuluara ende. Prane rrenojave te qytetit antik ngrihet qyteti i ri i Orikumit, simbol i vazhdimesise mijravjecare te jetes ne kete vend.